Stroetjes2016-10-27T13:16:14+00:00

Stroetjes

De schijf van vijf

De schijf van vijf (zie website voedingscentrum)

Hierin steet wat ie dagelijks mot etten,

en oaver oe gezondheid mot wetten.

Brood is doarin onmisboar ,

dus maak oe dagelijks 6 sneetjes kloar.

Ie zult oe hearlijk fit veulen,

zodat ie hearlijk in de tuin kunt weulen.

Want alles kump wear oet de knop,

met `t onkroed natuurlijk veurop.

Dus earst good brood etten,

dan maak ie doarmet korte metten.

Met roet wat ie lever neet zeet,

is `t net of dat vul harder de grond oet scheet.

As ie `t glad hebt kun ie hearlijk genieten,

en lekker onderoet in `n volkorenstoette bieten.

 

 

 

stroetjes

We’j stoat bol van de beuke

Onze Bieb geet noar de Olde straot

op vriedag 1 april is dat ze los gaot

Dan kump der mear reuring in onze winkel stroat

en hopt wij dat ie ok bie onze winkels angoat

Den gansen Bieb steet BOL van de beuke

de verhalen komt oet alle gaete en heuke

Ok via de kamer van Kramer kun ie derin

van al dee mooie beuke krieg ie vas goeien zin

In een echt good book kan niks tegenop

das toch vulle mooier as E-reader  of laptop

Onder `t leazen et ie de boekenliggertjes op

hearlijk langoet met `t kussen onder de kop

Dus kom allen noar de bieb op 1 april

en kom binnen met onderstaonde gil;

bieberdedebieberbieberderpiep hoera

De Passie van Pasen

Paosen viert wie met Passie

kiek maor naor alle veurstellingen op talevisie
Het is der in alle soorten en maoten

en ie heurt menigeen der oaver praoten

Ik zag wat langskommen in klassiek

en zelfs een versie in hiphop muziek

Moar Paosen blif toch veural eier etten

met hearlijke stoette neet te vergetten

En natuurlijke noar de poasboake kieken

want dan zult de geesten bezwieken

Poasen is ontbijten met zien allen

en efkes hearlijk oaver `t veurjoar lallen

Wij wenst oeleu allen fijne Paosdage

               Familie Stroet en medewerkers

Nieuwjaar

Begin `t nieuwe joar good,
met hearlijk lekker gezond brood.
Ok dit joar bakke wij wear vedan,
en bunt wear van alles van plan.
Wij hopt dat `t oe allen good geet,
en daj gin las kriegt of verdreet.
Deurumme wensse wie oe allen `n
onwies, gezond, lekker, gelukkig, unmundig
alle goods, gin las, kreggel, gloepes,
hartstikke tof, te gek, FIJN NIEUWJOAR.
 
Familie Stroet en medewerkers

Hemelvaartsdag

Wet ie nog oet vrogger tied,
fietsen,fietsen,fietsen en dan de weg kwiet
Ie wazzen nog gin 10 minuten an `t trappen,
en begonnen de earste breudjes al te happen.
Al wiet veur de middag was alles op,
en leep oe `t zweit van de kop.
Helemoale noar Montferland
moar dan wear terugge wat `n tramelant.
De breudjes op drinken op,
en de fietse met lekken band opkop.
De zunne weg ne slinger in `t rad,
en s`oavonds late in hoes kleddernat.
Dus zurg veur `n good gevulde fietsentas,
en as `t kan onder d`n spinnekop `n jas.
Wij wenst iedereene vullle fietsplezear,
en ie wet onze breudjes smaakt noar mear

Olympische spelen

Wat `n golden plakken op de spelen,
dat geet ons nooit vervelen.
`t is bie lange noa nog neet op,
want Sven geet met de 10 km ok vast an kop.
Koning Willem drinkt `n biertje met Poetin,
dat veel bie wat groeperingen in onmin.
Moar ik zol ok `n pilsje van Poetin accepteren,
want den kniepert zal oe neet vake trackteren.
Ik zee Poetin al an `t schap in `t cafe ,
en dat he dan zeg as ik drink ,drinkt iedereen mee.
Wij hopt dan wal dat he `t zelf betaald,
en neet oet de russiche belastingpot haalt.
Koning Willem……….. proost,
wij past hier wal op oe kroost.
En veur de TV zit wie langoet,
met iets lekkers van Stroet.

Een vriendelijke klant

Een vriendelijke klant sprak ons aan,
de notenwegge kon ze niet weerstaan.
De walnoten bovenop zijn heerlijk,
maar toen zei ze heel eerlijk:
jammer dat er zoveel walnoten met `t snijden losraken,
dat was zonde want die liet ze zich goed smaken.
Toen bunt wie an `t prakkezeren e goan
en hebt `t  eens ne keare anders edoan
Wie doot noe mear walnutten in `t brood,
en dan smekke  helemoale good.
Bovenop doot wie noe amandelsprieten,
en dan kun ie de stoette hearlijk bieten.
Heb ie ok `n opmarking of mis ie wat,
samen los wie `t op en zo is dat.
u kunt ons mailen op info@bakkerijstroet.nl
als u ook iets wilt bespreken.

Gemeentelijke fratsen

Wij hebt ons `n tiedje in kunnen hollen,
en eens neet met de gemeente zitten dollen.
Moar noe mot wij `t toch wear zeggen,
want ze goat de dinge anders oetleggen.
`t nieuwe gemeentehoes mos der kommen,.
vuls te groot hebt wij al vernommen.
Een verdieping steet kats niks in,
wat is dat noe veur een onzin.
Dat is toch hetzelfde as ie een grusmeier koopt,
terwijl ie umme thoes op kunstgrus loopt.
Wetholder Leo hef 3 miljoen te weinig oet e geven,
dus van `n kunstwark van 15.000 euro goat wij neet beven.
Minister Kamp mocht op den rooien poal sloan,
zodat der vulle vuurwark af zol goan.
Dat gebeurde op kloarlichte dag,
`t mos sober zodat gin mensse wat zag.
Wij berkellanders bunt zeer tevree,
want die 3 miljoen geet toch terugge in onze portomonee?????

Geslaagd

Endelijk is `t zowiet,
ie wazzen der uren an kwiet.
In de beuke en achter de Laptop
alle vrieje tied ging deran op.
Ie kunt dus noe een earst `n feestje bouwen,
met `n diploma veur `n toekomst vol vertrouwen.
Dat vier ie natuurlijk met gebak van Stroet,
dit joar zut dat der wal heel apart oet.
Der ligt `n chocoladeschoolbord op,
en de smaak is natuurlijk tip top.
Ok de vaders bunt wij neet vergetten
die mag zundag hun eigen voetbalveld opetten
ole ole ole oleeeeeeee he is the champion

Vlaaienfestijn

Wij maakt der disse wekke een vlaaien festijn van,
hearlijk met vers fruit da`s pas smullen man.
Der is altied wal iets te vieren,
goa eens lekker met zien allen an `t klieren.
Vier de earste bleuiende rozen,
of de oetlopers van de frambozen.
Vier dat s`margens `t lech wear angeet,
en dat de auto der nog heel steet.
Vier dat de vogels vrolijk fluit,
en dat ie dat kunt zeen deur een hele ruit.
Vier dat de buurman mear onkroed hef stoan,
en dat ie hearlijk noar oe wark kunt goan.
Neet alles is mear vanzelfsprekkend in disse tied,
gin wark of minder inkommen leuk is dat niet.
`n hearlijke vlaai etten lost dat ok neet op,
moar oe gedachten bunt wal effen top.

‘T Haasje

Wie z`n naam is haas?? en wie is `t haasje??
Zwembad `t Timpke voor 1 euro verkocht.
mijn naam is haas ik dacht dat, dat mocht.
Spilbroekhal voor 1 euro verkocht,
mijn naam is haas ik dacht dat, dat mocht,
Geheime intentieovereenkomst uit 2011,
mijn naam is haas dat gebeurt vanzelf.
Sportscholen naar de ombudsman,
mijn naam is haas en ik weet nergens van.
430.000 euro aan achterstallig onderhoud,
mijn naam is haas dat laat me koud.
Ja, ja mijn naam is haas, ik weet van niks,
is hier wat gebeurt dan daar weet ik niks van.
Van mij niks te vrezen ,ik moest hier effe wezen.
Loat wie met poasen moar lekker goan kroamschudden
bie de Needse Schoapskudde of noar `t poasvuur goan kieken
want veur dat ie `t wet bun ie `t haasje.

Poasvuur

Kranten schreeuwen moord en brand,
wat is der toch wear an de hand.
Ei-bargen krig dit joar gin poasvuur,
ok de gemeente vund `t te duur.
Oetgerekkend de plaats met `n EI in de naam,
deurumme bun e wie dit kear behulpzaam.
Iedere Ei-bergenaar neudigt wie van harte oet,
`t Poasvuur in Lochoezen en Reetmolle is altied goed.
Hooft jullie ok zelf neet met holt te sjouwen,
um een heel apart mooie boake te bouwen.
Doar betaald de gemeente ok neet an met,
moar ze goat s`avonds efkes rond met de pet.
Dus wij zorgt veur `t Poasvuur in en om Nee
en brengt jullie dan `n Poas-EI mee.
Zo helpt wie mekare met vuur en ei,
ik blei,jij blei,jullie blei ,iedereene blei.

Oetleg van diverse soorten kip

De Plofkip snel gefokte kip legt geen ei.
De Wipkip is saai speelgoed legt geen ei.
De echte Scharrelkip loopt in en umme thoes legt ei.
De Scharrelkip loopt los in de stal legt ei.
De BatterEI kip zit vast in kooi legt ei.
De Bofkip woont op oud boerenerf legt ei.
De Soepkip oude kip die uitgelegd is legt geen ei (meer).
De Kip zonder ei is een agent legt meestal geen ei.
De Loungekip luie kip legt zo nu en dan dubbeldooiers.
De Kipcaravan vakantiehutjeskip legt geen ei.
De Grillkip is na een uur gaar legt geen ei.
De Gemeentekip scharrelt in Borculo kukelt soms.
as een kip zonder…… legt soms gouden ei en soms
een windei.

Het bestuur

Verwen oezelf met lekkers van Stroet,
want as ie wacht op een ander dan kump `t neet goed.
Onze bestuurders verwent zichzelf ok,
met `t VNG congres bunt ze wear heel drok.
In Den Haag geeft ze de centen oet,
1050 euro de man hebt ze dat wal goed???
Veur 2 overnachtingen en netwerken en feest,
bie z`on duur feestje bun ik nog nooit geweest.
De Golden Earing ,Freek en Johan Cruijff,
bunt ok allemaol aanwezig op dissen fuif.
Cruijff gif doar oetleg in gemeentetaal,
dus dat wordt op zich al `n apart verhaal.
Hij zal vast wear hele wieze dinge zeggen zoas:
Als ik het geld hep kan jij niet betalen.
Voordat ik een fout maak,maak ik die fout niet.
Elk voordeel hep z`n nadeel.
Besturen is simpel, `t is echter moeilijk simpel te besturen.
Je ben op tijd door vroeg te vertrekken.

De analyse

Wat hebt wie toch vulle voetbalverstand,
der bunt 16 miljoen trainers in `t land.
As ie de bal noar links doot,
geet ut op rechts neet good.
Mear ballen oaver de vleugels gooien,
en achterin neet zitten klooien.
De bal op melkbussen heugte veur geven,
daorvan geet iedere keeper beven.
Lopjes doar holle wie neet van,
de bal vol op de wreve dan bun ie de man.
Of olderwets de bal op de punt nemmen ,
z`on schot is zowat neet te remmen.
Tjonge jonge wat kunt die tv leu lallen,
en ojoa `t geet allenig oaver voetballen.
Dus goat moar een hearlijk breudje etten,
um al dee kennis snel te vergetten.

Muziek

Zaterdag 7 juli geet `t gebeuren, dan is der in Neede van alles te zeen en heuren. Scheten met kanonnen en musketten, en `t schallen van trompetten. Crescendo en Amicitia maakt de muziek, en de Grolse Compagnie vermaakt `t publiek. Met de Ouverture 1812 as grote hoogtepunt, en `n knal oet `t Grolse kanon as superstunt. Meerdere veldslagen wurdt der noa e doan, en de muziek zal op een hoog nivo stoan. Reetmolle en Neede hebt duftig repeteart, dus goa der hen `t is `t zekers weard. Alles geet gebeuren in en bie de koepel, en met wat lekkers van Stroet blief ie lekker soepel.