Het bedrijf2016-10-27T13:16:14+00:00

Het bedrijf

Een brood en banketbakkerij is natuurlijk heel wat meer dan een balie in een winkel en aantal brooden op het schap. Een kwalitatief hoogwaardig product vergt kennis en de nodige aandacht om geboren te worden.

Binnen ons bedrijf wordt veel aandacht besteed aan al deze kennis en het gebruik van de juiste producten. Ons winkel personeel staat 6 dagen per week voor u klaar en onze bakkers zijn al vroeg in touw om de basis van uw ontbijt te bereiden.

De bakkerij in Neede

De geschiedenis van Stroet!

2016: We’j komt wear thoes!

We’j komt wear thoes! Na 25 joar lekker op dezelfde plaatse hew der een winkel bie e nommen, en jawel in Beltrum! Ook het jaar van de nieuwe webshop en heuse website, Wej goat met de tied met!

2015: Het joar van de facebook filmpjes

Het joar van de facebook filmpjes, Het meisje van de oliebollenkraam en de witte puntjes! Er word’t  veur het eerst oliebollen aan stroate verkocht met een heuse kroam in een half verbouwde studio, wat een spul haw der van. We’j hebt ook een kloksysteem in e bouwt en de plas um thoes glad e maakt En het toetreden bij de OVN van Marcel, leaven in Neede proberen te kriegen!

2014: Vulle gemas in en um de studio

Vulle gemas in en um de studio  de workshops leepen en der was geregeld een feestje met alle gedonder der bie. In dat joar zaggen wij ok dat die feesten neet bie ons bedrief pasten en hebt andere plannen e maakt veur de studio. De verbouwing begint, en bovenin is verhuurd als horecagelegenheid. Met de karmisse in Beltrum was de bakker de weg kwiet en verkocht hij cake met wiet ok werd der in den optocht met meal e gooit  en `t onderwarp was Herman Brood. Gerrit kwam de bezorging doon op zoaterdag ok Brit kwam dit joar en steet ok hoppelijk nog joaren veur ons kloar.

2013: De kroning van Willem Alexander en Maxima

De kroning van Willem Alexander en Maxima  dat werd wear maximaal genieten van oranje specialiteiten De Bakker-ei werd geboren en mijn naam is haas en wie is `t haasje. 8 september dat joar is onze Jan overleden zien gezondheid was al luk minder en he warken ook al een tiedje neet mear bie ons. Jan zien oetspraken leaft nog vedan.. Man nog eens an too, en wat een spul hebt wie dervan,  en O wat ne mooi`n heb ie der van ie zollen der zo ne oaven vol bie bakken. Aanbiedingen dat joar  out off te box of oet de bokse. Nieuwe burgemeester Hein gaat hij komt en wie komt Joost mag `t wetten.

2012: Aankoop Bioscoop

Aankoop Bioscoop en allerlei activiteiten.  Ok Sjanne is dat joar begonnen as hulp in de winkel. Sjanne kik smorgen earst altied good in de rondte en geet meestal met de bestelling van Bennie an `t trekken want den man man meug ie neet loaten wachten. Ok Dewald kwam wear in dienst in de beginjoaren had he ok al een paar joar bie ons e warkt toen had he nog heure met zon raar blond toefke. Inmiddels bunt de wilde heure deraf en warkt he as broodbakker `t meest samen met Richard. Dewald hult van deran en dat kun ie dan smorgens ok good zeen in de bakkerieje. He kan degen dreien as gin ander en soms moj um tot ruste brengen want de anderen kunt `t neet zo gauw afbakken. Ok werd der dat joar `t scholontbijt e viert in de studio.

2010: De achterhoeker wurd geboren

De achterhoeker wurd geboren en de achtling met een ooievaarsnest veur de winkel, noe steet dat nest nog altied in `t gedenkbos. Der is een jubileum stoet veur 20 joar bakkerij Stroet. En er is een groot schoolontbijt in de sporthal. Laura kump in dienst Laura bemeujt zich earst `t meest met `t inpakken en klusjes in de bakkerieje. Noa verloop van tied geet `t steeds better en hulp ze volop met in de productie. Tegenwoordig is ze ok breed inzetboar, ze pakt de telefoon op en dut bezorgwark.

2009: Huize de kampkoek

We besluut um te stoppem met de koopaovond en de huize de kampkoek wordt veur `t earst e maakt, de vieze schutting in de olde stroate wurd e schilderd en der is Jamzumba bie de jammarkt.

2008: Valentijn

Valentijn werd e viert in romantische sferen bie Vally er werd een groots ontbijt georganiseerd bie de oranjepop. En op de veurjoars markt werd een stokbrood e bakken van 44 meter. Richard Roeterdink kwam in dienst, `n henig kearltje uut Loarne warkt altied netjes en secuur en kan oe smargens a zeggen dat he `t smiddags neet af krig. Zuunig is he op zien auto zien tweede huus. Doar mag dan ok gin mensse in kommen. He trekt zien warkschoone altied oet veurdat he instapt en dut zien slofjes an. Soms verget he dan de schoone in den auto te zetten en zeet ie noaderhand op de parkearplaatse allenig moar een paar schoone stoan.

2006: t ‘Joar van de duitse woche

`t Joar van de duitse woche: er werd smakelijk e lachen um de duutse versprekkingen zoas het Hamhosemehr en Fahrad fietsen. Het WK was in duutsland met as kreet bie ons jetzt geet `t loos. Op de jammarkt werd de jamwacht e schildert en `t was dat joar 400 joar Rembrandt. Arie de voetbalman van Lochhoezen, kwam veur `t earst op e zundag wat breudjes halen veur de kantine, ik had de kearl nog nooit e zeene. Ik zei ie kunt ze kriegen as ie ze in `t vervolg ok bie ons haalt. Arie hield woord en vanaf toon kwam he geregeld oaver de vloere. Noa zien pensioen is he nog steeds bezorger bie ons.

2005: De tsunamie in azie

De tsunamie in azie  doar hebt wij  toen een aziatische markt e hollen den 800 euro hef op eleverd veur de slachtoffers met `n kreet natuurlijk: der bunt een hoop leu in nood, en al wat ie doarveur doot is good. Monique kwam bie ons an `t wark sindsdien is `t nooit mear stille ewes. Monique kump der in de wieten al an lachen en zit nooit um een preutje verlegen. Monique hult van een betje onwies soms bie de survival en krup dan deur de sloot of hangt boven in de beume. Ok de joaren begint bie monique te tellen want ze is zo noe en dan geblesseard en dat is hear eigenlijk niks weard. Ze wil dan wear vedan doon moar as oe de enkel in `t gips doot dan kun ie neet anders dan thoes zitten. Gelukkig geet t wear zovulle en lacht ze wear deur de bakkerieje.

2004: Wear een verbouwing

Wear een verbouwing `t achterste deel van de bakkerieje werd der bie e bouwt. Der was een actie met de chipknip den wij wonnen van de supermarkten. Met de jammarkt werd der een groot jamdoolhof e maakt en der waren katertompoucen en de vlearmoeskeuksken werden e bakken griezelig lekker nog steeds um middernacht. Ok de gedichten in de krante werden steeds langer. Zo met carnaval: Schots en scheef wat draagt een schot onder zijn kilt, dat is iets wat ie graag wetten wilt

2003: Joepie de poepie we krijgen een nieuw stoepie

joepie de poepie we krijgen een nieuw stoepie dit n.a.v. `t vernieuwen van de stoep deur de gemeente en de de introductie van de geboorte reuze beschuit. En dat joar kwam ok Sweitze in dienst, gin mensse kon good met den naam umme goan en neumde hum al wattieds BOB dus he luusterd ok noar de naam BOB. He kwam as `n onzeker kearltje bie ons an `t wark en is inmiddels oet e greuit tot een vaste kracht Sweitze is oaveral inzetboar en zeer flexibel. He woont noe in duutsland op zichzelf en goa der moar neet op visite want `t gewear lig kloar.

2002: De Bolletjesslikkers waren volop in `t nieuws

de Bolletjesslikkers waren volop in `t nieuws en doar kwam e wij wear met in `t nieuws, der was zelfs een klant den zei tis toch wat ze hebt noe ok al een bolletjes slikker in Neede betrapt. dit n.a.v. ons artikel in de krant van Politie controleert op bolletjesslikkers. Saskia kwam in dienst `n klein verlegen dearntje den uiterst netjes was in de proat dat had ze bie meesterbakker Strengers e leart.  An `t begin sprok ze Mirjam an met mevrouw en ik was meneer. Toen ze zag dat `t bie ons neet zo strak ging hef ze dat gauw af eleart. Saskia is de tied altied wiet veuroet al veur dat wie dan ok `t heurt hef wet Saskia `t al Saskia zut ok vake als earste as der argens iets fout is op e schreven. Zo hadde wij een keare nieuwe prieskaartjes e maakt en binnen een half uur kwam ze der an met `n verkeard kaartje ik had i.p.v. van Maanzaadbrood der manzaadbrood stoan dat kon toch echt neet. Ok in dat joar kwam der wear `n nieuwe winkel en den leep zo good dat Gerry der bie kwam. Gerry oet Eibargen! Gerry kump smargens altied duftig op tied en hef dan ok meestal veurtied `t vee al e voort. Gerry is een makkelijk mense `t kump wal eens veur dat der smorgens eene zeek wurd en dan kun ie altied Gerry bellen, Ik kom der oaver `n half uur an ik most earst nog efkes `t voorn afmaken. Gerry kump geregeld opde fietse en noe helemoale noe ze zonne electrische fietse hef.

2001: De earste workshops

De earste workshops, ok wij dachten doar an met te motten doon de leu konden zich via de krantte inschrieven, moar liefst 150 mensen schreven zich in. Wiet boven de verwachting 6 oavenden bunt wie der met bezig e wes den lesten ging toen neet deur i.v.m. mond en klauwzear bie de boeren. Annie kwam dat joar in dienst Annie neumt zichzelf ok vake bie naam Dat dut Annie neet, dat vund Annie neet fijn, doar kan Annie hard um lachen. Annie zorgt veur proat en leaven in de winkel. De leu veult zich a gauw op hun gemak bie Annie. Heb ie Annie um oe en dan is `t neet stille en zo zal `t nog heel wat joaren goan.

2000: `t Milenium joar

`t Milenium joar  dit werd natuurlijk Milenimmmmmmmmmmmmmm. Proef de winter, ogen toe en smullen maar, hoempapa hoempapa in de bergen van Neede jodelodelee. De eerste tompouce actie werd geboren bie verlies NL elftal een zelfde aantal de dag erna gratis. Bie de bakkerij waren de penalty kampioenschapen noadat Seedrorf de penalty had emist. En met de jammarkt was er `t levende fruitautomaat.

1999: Opening nieuwe winkel

Opening nieuwe winkel met natuurljk wear harde bollen. Ok werden er wear aparte kreten gelanceerd kom der bij, kom der bij, wij maakt alles met varse aardbei! Voor vader die lieve vent ,`n onvergetelijk weekend ok werd dat jaar jamkoek eetwedstrijd gehouden en de winnaar werd de jamkeizer. Wij waren dat joar ok 12,5 jaar e trouwd en hebt dat e viert in de bioscoop den doarna spontaan in brand vloog. Ok was der dat een joar et een grote zwarte rand. Anke de medewerkster oet de bakkerij kwam deur een noodlottig ongeval om `t leven. Dit gaf een zwoare domper in de bakkerij. Nog ieder joar breg Mirjam `n buske bleume noar `t graf.

1998: En doar werd Chantal geboren

11 Mei; het was zo onwies heet en doar werd Chantal geboren ok dit werd natuurlijk met de klanten e viert! Een dochter en zusje is geboren, bijna 8 pond was haar gewicht en op 11 mei 12.07 precies zag zij `t levenslicht in juni was `t WK voetbal in Frankriek en werd der `n grote Eifel toren op de winkel e zet met as kreet juichen onder de Eifeltoren en bij verlies NL elftal voor ieder een katerbrood.

1997: Der was sprake van een fusie tussen Haaksbergen en Neede

Der was sprake van een fusie tussen Haaksbergen en Neede dus `t fusietaartje kwam der met de kreet bent u voor eet hem met smaak, bent u tegen eet hem uit wraak.. maar staat u `t allemaal niet aan ,dan kunt u er Ben W mee om de oren slaan. Dat jaar is ok `t joar dat ik prins carnaval werd met als kreet natuurlijk toet toet toet de stoppen knalt der oet. Ok kwam der dat joar de broodautomaat.

1996: Toet Toet Toet het is feest bij bakkerij Stroet

ToetToetToet het is feest bij bakkerij Stroet. 6 januari geboorte Paul werd e viert met de geboortefeestweek en natuurlijk ToetToetToet de feestelijke groeten van de familie stroet. En kolt dat `t was! In dat joar was der ok een elfstedentocht ok doar weden wear spreuken op verzonnen ToetToetToet schaatsen an of oet `t is altied smullen bie Stroet. Ok werd dat joar de bakkerij grondig verbouwd ToetToetToet bakkerij Stroet breid oet. Ok `t joar dat Richard Hilhorst in dienst kwam Richard ging wear thoes wonen en wol wark in de buurte. Richard hef earst `n tied samen met mien brood e bakken en kon al raps zelfstandig snachts an de gange. Richard is `n rustig betrouwboar iemand den ok menigeen hef zeen kommen en goan. Ne keare versleep e zich en ik kreg hum neet an de telefoon ik dacht he zal toch gin ongeluk hemmen e had. Dus ik met de auto op Geestr`n an. Ik kom daor en gelukkig zien auto stond der nog. Noe hef he een paar ganzen dee normaal gesprokken vreselijk tekear goat bie onroad, moar disse keare neet heel biezonder. Ik rearn doar umme thoes hen en ja doar ging `n raam los. Ik kom deran heb den wekker neet e heurt. Richard hef zich in al die joaren nooit meer versloapen!

1995: Toet toet toet kom pinnen bij Stroet

Toet toet toet kom pinnen bij Stroet. Pinnen was toen nog volledig nieuw en onbekend en ieder dacht `der `t ziene oaver. Wij maakten der een geintje van en hadden een holten pin woarmet ie de zak van een brood konden afsloeten. Ok kwamen dat joar de silo`s en werd er 50 jaar bevrijding gevierd met Zweeds wittebrood. Tok,tok,tok ik loop met `n palmpaasstok en ToetToetToet het is jammer dat de koningin ergens anders naar toe moet, anders kwam ze zeker smullen bie Stroet.

1994: Het toet toet verhaal sloeg aan

Het toet toet verhaal sloeg zo aan dat wij doar met vedan gingen ok kwammen in dat joar de earste riemzinnen. Toet,toet,toet carnavals vlaaien bij stroet. ToetToetToet quick to baker Stroet en You wil feel good. ToetToetToet bakker Stroet geet der efkes tussenoet.  ToetToetToet we zijn weer terug met een frisse snoet. Ok was der dat joar `n grote ontbijt show bie de zessprong en begonne wij met de ontbijten op bed. Het vijfjarig bestaan werd gevierd met een groot vlaaienfestival.

1993: `t Joar van de grote verbouwingen

1993 werd `t joar van de grote verbouwingen `n nieuwe winkel mos der kommen in de hippe kleur rose ok in de bakkerieje kwam der `n bollenkast en een klimakast ok de advertenties werden dat joar al iets oet gebreider. O.a. steengoede verbouwingsaanbiedingen met harde bollen en wij kregen een huisspecialiteit: De Needse vlaaien. En ook: met 2 meterstokbood wordt u bbq pret vergroot. In septemer kwam de kreet Toet,toet toet  de groetjes van Stroet een kreet den noe nog steeds veel wordt gebroekt.

1992: IJssallon rechts noast de winkel

In mei van dat joar bunt wij begonnen met een ijssallon rechts noast de winkel. Wij dachten dat doot wij der zo efkes bie ,moar dat bleek mear wark te wean as wie dachten. Telkens as `t in de winkel drok was ging die verdamde ijsbelle ok. De jongs mossen dan dee klanten efkes helpen. Ne keare waren wie soavonds an `t deeg`n draaien en ging dee belle ok. Gauw der hen en doar stond der eene oetgebreid de tied. We’j hadden hoast want `t deeg begon ons te veriezen. Was `t endeluk zowiet dat ik wear noar mien deeg kon en jawel heur doar ging dee belle wear. Den zelfden klant wear he wol nog veur vieftien cent discokorrels op zien hoorntje. 18 Juni was `t zowiet Twan werd geboren S`nacht was ik gengs in de bakkerieje en plots krig Mirjam kriebels in de boek Snel werden Ronny en Jan op e trommeld. Twan was net geboren toon ik hum in de bakkerieje op de weagschale heb e leg. Ik wet nog dat Jan zei zonne frissen heb ik nog nooit e zeene en den snuf meteen broodloch op dat wurd vast `n bakker.

1991: Wij begonnen dat joar luk stroef

Wij begonnen dat joar luk stroef , noa een korte wintersport vakantie stond Marcel s'morgens op met ne doem den wal ens zo dikke was as den anderen doem. Den nacht der op werd den doem los esneden en mocht Marcel een paar dage neet warken. Paniek in de hutte wie mot der bakken?? Buurjongen Ronny heelp ons oet de brand ,samen met Jan hebbe wij dat ok ekloart Ronny is altied e bleev`n en hef ok alles zeen gebeur`n. Ronny hebt wij learn kennen as ne harden warker den met vulle inzet elke dag veur ons kloarsteet, soms is he luk eigenwies en heffe ne zoere lippe.  As he zut dat `t drok wurd den anderen dag dan kump he altied oet zichzelf al een paar uur earder, en dat zit der nog steeds in. Kloar is af en zo is dat. Ok 1991 is de earste verbouwing e wes Kox zat met ziene schoone bie in de bakkerieje en den mos der oet want de winkel leep as `n titje en wij konden dee ruumte good gebroeken. Op dee plek werd de earste banketbakkerije e bouwt.

1990: Hoe het allemaal begon

Juni 1990 is `t allemoale begonnen tijdens `t Pinksterweekend. Verhuuzen vanaf Beltrum noar Neede de hele familie kwam der an te passe. Alles werd duftig schoon e maakt en op e knapt. Pinkstermaandag was de klus e klaart en kon Marcel s nachts beginnen met `t bakken. Moar dat veel effen tegen, de machines waren te good schoon e maakt en `t wol veur gin meter zoas dat bedach was. 2 dagen achter mekare hebt wie deur e doan um der wat van te kriegen. Mirjam en Marcel hadden `t plan um `t bedrief allenig te doon `n mooi klein eenmanszaakje zonder hulp van anderen. Veur de openingsactie hadden wij `n zeer bewarkelijk product ekozzen de insmijter. Brooddeeg in een aluschaaltje met ham en 2 eier der op. Noe blek plots dat ieder nieuwsgierig was noar den nieuwen bakker, en de insmieters waren neet an te sleppen. Wederom werd alles wat lopen kon in e zet um te helpen met `t maken van de insmieters. De earste wekken wisten wij neet wat onze veur of achterkantte was. En plots op ne morgen stond Jan doar en zei as `t eens is dan wil k oe wal helpen. He is smiddags meteen begonnen en hef ons joarenlang veurt e holpen. Ok werd der toen al geadverteerd in de `t krantje d`n vlearmoes. Enkele dingen oet 1990 om moar te neumen: insmijters, marcellino`s  en de eerste vlaaien in Neede. De advertenties waren kort moar krachtig toender tied.